Xoxolurren urteko lehen irteera, etxe ondora
Listorreta-Arritxueta-Listorreta bidea egingo dute igandean. Izena emateko aukera ostegunera arte dago zabalik, Orkin.
Xoxolurrekoak, abenduan Ezkabara egin zuten irteeran. Denboraldiko laugarrena, eta 2023ko lehena izango da. Xoxolur Mendi Klubak Listorreta-Arritxueta (373 metro)-Listorreta bidea egiteko gonbita luzatu die iganderako lezoarrei eta hala nahi duten guztiei. Izena emateko aukera ostegunera arte (barne) dago, Orki tabernan. Helduentzat prezioa hamar eurokoa da, gazteentzat zortzikoa. Familia ugariek 36 euro jarri behar dituzte.
Igandean, 08:30ean gelditu dira Ijurkoko kioskoa zenean Listorreta aldera autobusez joateko. 2-3 orduko ibilbidea egin ondoren, eta eguraldiak laguntzen badu Listorretan bertan bazkalduko dute. Eguraldia aproposa ez balitz, Oiartzunera hurbilduko dira han bazkaldu eta frontoian jolasean aritzera.
Beti bezala, partaideei bi motxila eramate aholkatu diete Xoxolurrekoek. Bata biderako izango da, hamaiketakoa, ura edo txamarra izango lituzkeena. Bestea autobusean geldituko litzateke, bertan aldatzeko arropa eta bazkaria legokeelarik.
Hurrengo irteera otsailaren 12rako aurreikusi dute. Elurretara joatea dute asmo.
