28 urteko emakume bat desagertu da Pasaian
Mouchira Mokhtarik astebete darama desagertuta. Larrialdi zerbitzuek jakinarazi dutenez, beroki berdea zeraman azken aldiz ikusi zutenean.
Mouchira Mokhtari, VOST Euskadik zabaldutako argazkian. 
VOST Euskadi larrialdietako zerbitzuak Pasaian desagertutako emakume baten berri eman du. Adierazi dutenez, joan den asteko asteazkenean —hilak 4— ikusi zuten azken aldiz Mouchira Mokhtari.
Eman duten informazioaren arabera, Pasaian desagertu zen, baina egungo balizko kokapena Frantzian kokatu du Ertzaintzak. Jarraian, Mokhtariri buruz eman dituzten xehetasun fisikoak, haren bilaketan lagungarri izan daitezkeelakoan: 161 eta 170 cm artean neurtzen du, 61 kilogramoko pisua du, begi marroiak eta ile beltza.
Informaziorik izanez gero, 112 telefono zenbakira dei daiteke edo zuzenean Ertzainzaren web atarian eman informazioa, hemen klik eginda.
