'Joanes etxera' lasterketa, etzi
Goizeko 11:00etan abiatuko da 6,5 kilometroko ibilbidea duen lasterketa. 2013an hasi ziren lasterketa antolatzen, eta aurretik haurren lasterketak egingo dituzte.
Etzi, igandean, lehiatuko dute “Joanes etxera” lasterketa. Sarek eta lasterkari talde batek antolatu ohi dute, 2013a ez geroztik. 2019ra arte “Elkartasun lasterketa” izenpean antolatu zuten.
Ibilbideak 6,5 kilometro ditu, eta Ergoien, Altzibar, Iturriotz nahiz Ugaldetxotik igaroko da, amaieran Elizaldera itzultzeko. Helduen lasterketa 11:00etan abiatuko da, eta horren aurretik haurren lasterketak egingo dituzte.
Aldez aurretiko izen ematea, 12 euroan, gaur amaituko da, herrikrosa webgunearen bidez. Etzi, baldin eta baten bat soberan geratu bada, 18 euroan erosi ahalko dute herritarrek dortsala.
