Trafiko aldaketak Lezoko kale batzuetan
Aparkalekuak sortzeko eta hiri-mugikortasuneko onurak lortzeko egingo ditu aldaketak Udalak.
Lezoko Udalak jakinarazi du trafiko aldaketak egingo dituztela hurrengo egunetan herriko kale batzuetan. Alde batetik, Aralar kalea norabide bakarrekoa izatera pasakoa da: Urdaburu kaleko biribilgunetik Aralar kaleko 6.n zenbakiraino linean dauden aparkalekuak baterian izatera pasako dira, eta Aralar 7tik, 8rako espaloiaren ondoan aparkaleku berriak margotuko dira linean; horrela, 15 aparkaleku gehiago sortuko dira.
Beste aldetik, hilerri ondoan urbanizazio bat eraikitzen ari direnez, eta 120 etxebizitza berri egingo direnez, trafiko aldaketak egingo dituzte eremu horietan ere. Lexo Bertsolari, Plazeta eta Arratxene kaleak norabide bakarrera pasako dituzte, Plazeta 2 zenbakitik Zubitxo 23 zenbakira doana norabidez aldatuko dute eta Arratxene kalean aparkalekuak sortuko dira linean, eta gaur egun linean dauden aparkaleku batzuk bateriara pasako dira. Horrela, guztira 12 aparkaleku gehiago sortuko dira.
Aldaketa horiekin, udalak aparkalekuak sortzeaz gain, Lezoko hiri-mugikortasunerako onurak lortu nahi ditu. Horien artean, Hiriguneko kaleetan trafikoa baretzea, oinezkoen eta ibilgailuen arteko istripuak ekiditea eta garraiobide ez motorizatuen erabilera sustatzea.
