Aiton Bordaren kuotak eta batzarra, otsailean
Otsailaren 2tik aurrera ordaindu behar dute bazkideek 2023ko kuota. Urteko batzarra, berriz, otsailaren 11n egingo dute.
Lezoko Aiton Bordaren zuzendaritzak bi ohar garrantzitsu helarazi dizkie bazkideei: 2023 urteko kuota noiz ordaindu jakinarazi die, eta aldi berean, urteko batzarraren data zehaztu dute.
Kuotari dagokionez, otsailaren 2tik aurrera joan behar dute bazkideek urteko ordainketa egitera Aitorn Bordara bertara. Astearte eta ostegunetan izango dira arduradunak bazkideen zain, 10:00etatik 11:30era.
Bestalde, otsailaren 11n ezarri dute 2023ko batzar orokorra edo urteko bilera. 17:00etan da lehen deialdia, ordu erdi geroago bigarrena. “Oso garrantzitsua da batzarrean izatea. Zenbat eta jende gehiago hurbildu, hobeto”, esan dute zuzendaritzakoek.
