[Argazki galeria] Euripean, baina gogotsu abiarazi dute KMK Txikia
Orereta Ikastolak antolaturiko egitarauko lehen hitzordua izan dute gaur Haur Hezkuntzatik Derrigorrezko Bigarren Hezkuntzara bitartekoek.
Gabierrotan elkartu dira txikienak. 
Jakina denez, Orereta Ikastolak antolatuko du aurtengo Kilometroak jaia, eta urriko lehen igandean milaka euskaltzale bildu ohi dituen hitzordu nagusiaz haratago joan nahi izan dute oreretarrek. Hain da horrela, gaur bertan, urtarrila bukatzear dela, hasi direla Kilometroak ospatzen, KMK Txikiarekin.
Haurrentzako gune bat eta gazteentzako beste bat orotariko jokoz hornitu dituzte gaur antolatzaileek. Hala, 16:30etik aurrera, HH eta LH 4 bitartekoak Gabierrotako Evaristo Bozas parkean elkartu dira, eta LH 5 eta DBH bitartekoak, aldiz, Gernika parkean. Euria ez zaie oztopo izan; txamarrak soinean eta txanoak buruan ibili dira jolasean batak eta besteak.
Jokoekin bukatuta, bi guneetako haur eta nerabeak erriora abiatuko dira, bidean musikaz lagunduta. 19:00ak inguruan, Panierreko eta Lekuonako zubien arteko ibaiertzak beteko dituzte, eta bukatzeko, Lino parkean emango diote bukaera 2023k Kilometroen egitarauko lehen hitzorduari.
Horra, gaurko arratsak Evaristo Bozas eta Gernika parkeetan utzitako zenbait une, argazkitan.
