Gaur, segurtasun tailerraren bigarren tailerra Aiton Bordan
Adituek, adinekoentzat batez ere baliagarri izan daitezkeen aholkuak emango dituzte. 18:30ean hasiko da tailerra, Aiton Bordan.
Herriko udaltzain bat, hilaren 5eko saioan azalpenak ematen. Gaur (asteartea) egingo dute Aiton Bordan, 18:30etik 19:30era, segurtasun tailerren bigarren jardunaldia. Sendagaiak hartzeko modu egokia zein den azalduko diete bertaratutakoei, baita horiek biltegiratzeko irizpideak eman ere. Gainera, etxeko arriskuak ekiditeko aholkuak zabalduko dituzte adituek, eta etxean mugitzeko laguntza teknikoa ere bai: oinarrizko ariketak eta beste. Iruzurren gaineko informazioa ere helaraziko diete partaideei.
Lehen saioa hilaren 25ean egin zuten. Bertara 25 lagun joan zirela zehaztu du Lezoko Udalak. Erorketak saihesteko eta arrisku egoerei aurre egiteko informazioa jaso zuten Aiton Bordan izan zirenek. Bukatzeko, txokolatada egin zuten.
Lezoko Udalak, Osasun Saileko Bidasoaldeko Sailak, Osakidetzak, Muittu Lezo dinamikak, Ertzaintzak eta Lezoko botikariek (Laboa eta Rodriguez Zarzuelo) ematen ari dira beharrezko azalpenak, bakoitzari dagokion arlokoak.
