Txapeldunak!
Kurkubi Lezoskt-en bi talde euren kategorietako txapeldun izan dira asteburuan: neska kadeteak, eta senior gizonak.
Neska kadeteen taldea. 
Gizon seniorren taldea.
Sasoia biribildu dute. Datorren urtean maila bat gorago jokatzeko eskubidea irabazia zuten joan den asteburutik, baina honetan, 2022-2023 denboraldia biribildu dute: euren finalak irabazi dituztelako, Yesilan Kurkubi Lezoskt gizonen Gipuzkoako Hirugarren Mailako txapeldun izan da, eta Biko Aseguruak Kurkubi Lezoskt, berriz, nesken Kadete Partaidetzako Gipuzkoako Txapeldun. Zorionak bi taldeei, nahiz klubari! Zorioneko dago herriko saskibaloia.
Zaleen aurrean, Bekoerrotan, jokatu zuten senior gizonek euren finala. Sari nagusiena joan den astean lortu zuten mailako finalerdia irabazi, eta Gipuzkoako Bigarren Mailan izateko txartela lortuta. Larunbatean, berriz, Take Coach izan zuten aurrean mailan onena nor izan den erabakitzeko. Sasoian ohikoa izan den bezala, ez zuten arazo gehiegirik izan lezoarrak partida eta finala bere egiteko: Tolosako taldea 50-82 emaitzarekin gainditu zuten berdeek. Garaipen erraz samarra, eta ospakizuna ondoren. Merezitakoa.
Kadeteek. berriz, euren finala atzo jokatu zuten, Beasainen, Bergarako Goizeder Group taldearen kontra. Estu izan zen markagailua, 51-59 irabazi baitzuten lezoarrak. Baina markagailuaren azken txirrina entzundakoan, garaipea zakuan, eta neska gazteek ere ospakizunerako tartea hartu zuten. Datorren urtean Kadete Mailako Errendimendu Mailan arituko dira berdeak. Sasoi ona egingo dute, ziur.
Kurkubiren gainontzeko taldeen informazioa izateko, klik egin hemen.
