Ekitaldiz betetako asteburua Touringen mendeurrenaren harira
Euskadiko Kadete Ligako finalaurrekoa eta finalak Fanderian jokatuko dituzte eta Zuhaitz Gurrutxagaren 'Futbolistok' emanaldia ikusteko aukera izango da larunbatean.
Zuhaitz Gurrutxaga futbolari ohiak bere kirol ibilbideko bitxikeriak umorez kontatuko ditu. Mendeurrena ospatzen ari da Touring Futbol Taldea, eta horren harira, ekitaldiz beteriko asteburua izango da datorrena. Hasteko, Euskadiko Kadete Ligan sailkatutako lehen lau taldeek finalaurrekoa eta finala Fanderiako zelaian jokatuko dute. Ostiralean jokatuko dituzte finalaurrekoak Athleticek eta Alavesek 17:00etan jokatuko dute; eta Realak eta Romok 19:15ean.
Finala, berriz, igandean jokatuko dute 12:00etan hasita.
Ez da antolatutako bakarra. Larunbatean Zuhaitz Gurrutxagaren Futbolistok bakarrizketaz gozatzeko aukera izango da. Niessen Kulturgunean izango da emanaldia 19:30ean hasita. Azken sarrerak gelditzen direla jakinarazi dute antolatzaileek. Interesdunek, hemen klik eginda dute bakarrizketarako sarrerak erosteko aukera. 10 euroan daude salgai. Larunbatean bertan, Euskaldarrak elkartearen Gastromiaren erakustaldiaren barruan Touring omenduko dute eta ekitaldi berezia egingo dute horren harira.
