Tour Lagunak taldeak boluntarioak behar ditu
Frantziako Tourraren antolatzaileek boluntarioak bilatzen ari dira lasterketa Errenteria-Oreretatik igarotzen denerako. Uztailaren 3an igaroko da Tourra Errenteria-Oreretatik, lasterketa handiaren hirugarren etapan.
Frantziako Tourra (Argazkia: tropela.net) Frantziako Tourraren antolatzaileek boluntarioak bilatzen ari dira lasterketa Errenteria-Oreretatik igarotzen denerako. Uztailaren 3an igaroko da Tourra Errenteria-Oreretatik, lasterketa handiaren hirugarren etapan. Grand Depart Pays Basque 2023 antolatzaileek lasterketan parte hartzera gonbidatu dituzte herritarrak, Tour Lagunak talde handiaren kide gisa. Talde hori boluntarioz osatuta dago.
Errenteria-Oreretan hemezortzi punturi eman beharko zaio arreta, eta 40 Tour Lagun behar dira horretarako. Parte hartu nahi duten pertsonek plataforma batean eman behar dute izena. Horretarako, egin klik hemen.
Antolatzaileek azaldu dutenez, izena ematea banaka egin behar da, eta izena ematen duenari zein udalerritan bizi den eta lasterketako zein puntuan egon nahi duen galdetuko diote, parte hartzaile bakoitzari aukerarik onena eskaintzeko.
Baldintzen gaineko informazioa hemen klik eginda kontsulta daiteke, baita Tour Laguna izatea zertan datzan azaltzen duen informazioa ere. Zalantzak argitzeko berriz, posta elektronikora mezua bidali, edota 625 70 99 94/ 944 20 53 09 telefono zenbakietara deitu daiteke.
Izena emateko epea ekainaren 1ean amaituko da.
