Galtzarabordako kiroldegiak ohiko jarduera berreskuratu du
Ustea du udalak, kiroldegiaren erabiltzaileren batek edo batzuek narritadura eragin zuen substantziaren bat erabiltzeak sortu zuela ezbeharra.
Galtzarabordako kiroldegiak ohiko jarduera berreskuratu duela jakinarazi du udalak. Atzo arratsaldean instalazioak itxi behar izan behar izan zituen udalak, izan ere, hainbat pertsonek narritadura pairatu zuten, eta prekauzioz langile bat ospitaleratu ostean.
Narritadura eragin zuen substantzia instalazioarekin zerikusirik ez duela baieztatuta erabaki dute kiroldegia gaur goizean berriro zabaltzea.
Ustea du udalak, kiroldegiaren erabiltzaileren batek edo batzuek narritadura eragin zuen substantziaren bat erabiltzeak sortu zuela ezbeharra, eta ebakuazioa sortu zuen alarma. Hori horrela, eta behin baztertuta instalazioetan arazoak daudela, gertaera argitzeko ikerketa abiatu du Udaltzaingoak.
