Sorgin eta Su Gaua Gaztañoko jaiei ginga jartzeko
Egunez egun ezagutarazi du jaietako programa Gaztañoko Auzo elkarteak, eta ekainaren 18ko (igandea) eta 23ko Sorgin Gauaren egitarauak ere zabaldu ditu.
Egunez egun ezagutarazi du jaietako programa Gaztañoko Auzo elkarteak, eta ekainaren 18ko (igandea) eta 23ko Sorgin Gauaren egitarauak ere zabaldu ditu. Ekainaren 18rako besteak beste, gazte izandakoen bazkaria, eta arratsaldez, apar festa antolatu ditu, txikienen gozamenerako azken hori.
Jaien azken eguna, berriz, ekainaren 23an izango da, ostirala. Sorgin eta Su Gaua ospatuko dute Arramendi magalean. Haurrentzako herri kirolak, sua piztea, su artifizialak eta zezen suzkoa ere antolatu dituzte. Eguraldi txarra egingo balu erabilera anitzeko gunera lekualdatuko dituzte antolatutako ekintzak.
Halaber, mozorro afarirako txartelak 13 euroan eta kamiseta 10 euroan salgai jarriko dituela jakinarazi du jai batzordeak. Hilaren 31n, eta ekainaren 1ean, 3an eta 5etik 10era artean 19:00etatik 21:00etara auzo lokalera jo beharko dute afarirako txartela, kamiseta edo biak eskuratu nahi dituztenek.
Egitaraua
Ekainaren 18a, igandea
- 12:00: Toka eta bote txapelketa.
- 13:00: Bermutada (Bukagaitzen edo txosnan)
- 14:00: Gazte izandakoen bazkaria
- 17:00: Apar festa eta ondoren ur txirrista (Bainu jantziarekin joatea gomendatu dute)
- 18:30: Gaztañotik mundura… Mundutik Gaztañora! (Auzo lokalaren kanpoaldean)
Ekainaren 23a, ostirala
- 17:00: Haurrentzat herri kirolak
- Arratsaldean zehar txoznan edariak, txorizoa, txingarra, saiheskia, musika eta jaia
- Iluntzean ikuskizuna, sua piztea, bideo emanaldia, su artifizialak eta zezen suzkoaren irteera. Gaueko ordu txikietan aurtengo jaien amaiera.
