Ostegunetik igandera, Trintxerpe Musikaz Blai
Hilaren 1eko arratsean abiatuko dira emanaldiak, Gernika plazan. 2tik 4ra beste bost hitzordu izango dituzte bizilagunek musikaz gozatzeko.
2023ko Trintxerpe Musikaz Blai jaiadiaren aurkezpeneko argazkia. 
Hiru urteko etenaldiaren ondoren, bueltan da Trintxerpe Musikaz Blai. Jaialdia bere horretan 2019an ospatu zen azken aldiz, eta ohitura berreskuratuko dute aurten Pasaia Musikalek eta Illunbe Musika Elkarteak, ekainaren 1etik 4ra (ostegunetik igandera).
Jarduera gehienak Gernika plazan ezarriko duten oholtzan izango dira. Horra hor Pasaia Musikalek eta Illunbek antolaturiko egitarau anitza:
- Osteguna, hilak 1
- 19:00etatik aurrera, Pasaia Musika Eskolako talde desberdinen emanaldiak.
- Ostirala, hilak 2
- 17:30etik aurrera, ‘konboen festibala’, Pasaia Musika Eskolako eta Donostiako Francisco Escudero kontserbatorioko ikasleen emanaldiak.
- Larunbata, hilak 3
- 12:00etan, Pasaia Musika Eskolako orkestra sinfonikoaren emanaldia Trintxerpeko parrokian.
- 19:00etatik aurrera, txistularien kalejira Serafin Esnaolatik Gernika plazara.
- 19:30ean, Gernika plazan, Txistularien XIV. Alardea.
- Igandea, hilak 4
- 12:30ean, Gipuzkoako Dantza Sueltoko 87. Haurren Txapelketa.
