PSE-EE posta bidezko botoa tramitatzen hasi da
Uztailaren 13ra arteko epean izango du zabalik Morrongilleta kaleko egoitza Espainiako Gorteetarako bozetan posta bidez botoa eman nahi dutenentzat.
![](https://oarsoaldea.hitza.eus/site/files/2023/05/bozka-posta_.png)
Espainiako Gorteetarako hauteskundeak uztailaren 23ra aurreratu dituzte. Horren harira, Errenteriako PSE-EEk posta bidezko botoa tramitatzeko bulegoa martxan harri du: Herriko Etxera joan behar dute botoa emateko bide hori jarraitu nahi dutenak.
Laguntza zerbitzua uztailaren 13ra arte zabalik izango dela adierazi dute Errenteriako sozialistek. Zehazki, Morrongilleta kaleko bulegoa astegunetan 10:30-13:00 eta 16:30-20:30 tarteetan irekita egongo dela jakinarazi dute. Telefono bidezko kontsultak egin ditzakete interesa dutenek: 943 51 99 99ra deitu behar da horretarako.
PSE-EEk oroitarazi du, bestalde, uztailaren 23n bozkalekuetara ez joan ahal izateko ezintasunen bat edo gaixotasunen bat dutenek, etxetik eman dezaketela botoa, notario aurrean. Hori tramitatzeko laguntza emango du PSE-EEk.