Klima egokitzapena lantzeko hiru egun antolatu dituzte
SCORE proiektuaren baitan, ekainaren 6, 7, eta uztailaren 12an itsas bazterreko lurraldeen erresilientzia lantzeko aukera izango dute herritarrek.
Datorren astean, SCORE proiektuak klima egokitzapenaren inguruko lehen prestakuntza eskola abiaraziko du. Ingurumen erronkei eustea eta jasangarritasunaren inguruan hausnartzea izango dute helburu eskolek. Hala, hiru hitzordu antolatu dituzte, herritarrek gai honen inguruan duten jakintza eta gaitasunak hauspotzeko. Ekainaren 6-8 bitarteko ekintzetan izena aurretiaz eman behar da, eta esteka honetan sakatuta egin daiteke.
Ekainaren 6a, asteartea
- 12:00etan: Klima egokitzapenari buruzko online hitzaldia. Hitzartzean klima aldaketarekin zerikusia duten oinarrizko gaiak jorratuko dira, baita “klima aldaketara egokitzea kostaldeko eremuetan: sentsoreen erabileran kasu praktikoa” aurkeztuko ere.
Ekainak 7a, asteazkena
- 12:00etan: Minecraft online tailerra. Ez da beharrezkoa aurretiazko jakintzarik izatea. Bide horretan, eskualdeko ikastetxeak gonbidatu dituzte tailerrean parte har dezaten.
Uztailaren 12a, asteazkena
- 12:00etan: Tokiko jarduerak, Benidormeko Coastal City Living Lab-etan. Hala nola, ekosistemetan oinarritutako egokitzapenari buruzko tailer presentzial eta praktikoa egingo da.
SCORE proiektua klima aldaketaren aurrean kostaldeko hiri eta lurraldeen erresilientzia hobetzea helburu duen egitasmo europarra da.
