Hilaren 19tik aurrera eman ahalko da izena Pasaia Musikalen
Egun ikasle direnei emango diete lehentasuna izena emateko garaian. Ikasle berriek hilaren 26ra arte itxaron beharko dute matrikula egiteko.
Pasaia Musikalek iragarri du 2023-24 ikasturterako matrikula egiteko epea hilaren 19an zabalduko dutela dagoeneko ikasle direnentzat, eta 26an, aldiz, ikasle berrientzat. Bi kasuetan, izena emateko epea uztailaren 7an bukatuko da.
Izen emate guztiak online egin beharko dira, eta, esan bezala, bi data bereizi dituzte, bata dagoeneko ikasle direnek euren plaza berresteko, eta bestea ikasle berriek izena eman dezaten. Lehenengoen epea hilaren 19ko 09:00etan zabalduko da, eta gainontzekoek hilaren 26ra itxaron beharko dute horretarako.
Arduradunek ohartarazi dute Pasaian erroldatuta daudenek %33,34ko diru laguntza jaso ahalko dutela matrikularen zenbateko osoan. Informazio gehiago behar duena idazkaritzarekin jar daiteke harremanetan 943 39 60 55 telefonora hots eginda edo idazkaritzaren helbide elektronikora mezua idatziz.
