Berriro ere, Eskola Kirolak bat egin du jasangarritasunarekin
Koldo Mitxelena LHko aterpean elkartu dira eskualdeko Eskola Kiroleko eragileak, eta sari banaketa egin dute jasangarritasunarekin konpromisoa erakutsi duten ikasleekin.
Gaur goizean Oarsoaldeako Eskola Kiroleko eragile guztiak elkartu dira Koldo Mitxelena LH ikastetxearen aterpean. Bizitza estilo jasangarriekin bat eginez, ikasturte osoan zehar entrenamendu nahiz partidetara joan etorriak era jasangarrian egitea sustatu dute. Gaur, horrela, konpromisoa erakutsi duten Lehen Hezkuntzako bosgarren eta seigarren mailako ikasleak eta familiak saritu dira. Tartean, hainbat sari banatu dizkiete bizikletan joan etorri gehien egin dituen ikasleari; joan etorri “berdeetan” gehien lekualdatu den ikastetxeari; edota ikasturtean zehar gutxienez behin bizikletan mugitu diren ikasleei.
Bertan egon dira eskualdeko Eskola Kiroleko arduradun teknikoak eta Maite Gartzia Errenteriako udaleko kirol zinegotzia. Hona hemen saridunak:
- Koldo Mitxelenak bi bizikleta jaso ditu, ikasturte osoan zehar desplazamendu gehien egin dituen ikastetxea izanagatik.
- Tellerik bizikleta bat jaso du, ikasturte osoan zehar desplazamendu jasangarri gehien egin dituen ikastetxea izanagatik.
- Koldo Mitxelenako Libe Rodrigez ikasleak patinete elektronikoa jaso du, 19 jardunaldietan bizikletaz egin du joan etorria egin izanagatik.
- Eskualde osoan, 400 ikasle izan dira gutxienez desplazamendu bat bizikletaz egin duten ikasleak. Horien guztien artean bizikleta bat zozkatu da, eta Lezo Herri Eskolako Ane Askasibarri egokitu zaio. Gainontzekoek txirrina jaso dute.
