Ereintza Tenis Opena jokatzen ari dira
Errenteriako IX Tenis Opena Ereintza Maddalen Saria jokatzen ari dira egun hauetan Beraungo erabilera anitzetarako pistan Ereintza Eskubaloiak antolatuta eta Errenteriako Udaleko Kirol azpisailak eta ATGren Gipuzkoako Tenisaren Zaleak lagunduta.
Ereintza da tenis openaren antolatzailea. Errenteriako IX Tenis Opena Ereintza Maddalen Saria jokatzen ari dira egun hauetan Beraungo erabilera anitzetarako pistan Ereintza Eskubaloiak antolatuta eta Errenteriako Udaleko Kirol azpisailak eta ATGren Gipuzkoako Tenisaren Zaleak lagunduta.Hilabete hasieran abiatu zuten txapelketa, eta madalenekin batera jokatuko dira finalak.
Aurtengo ekitaldia inoiz baino parte hartzaile gehiagorekin heldu da, izan ere, 36 parte hartzaile izango ditu—aurrekoetan 32 jokalari aritu dira—. Lehiekta sistema, hurrengoa izango da Ereintzak azaldu duenez: bost tenis jokalariko lau talde, eta lau jokalariko beste lau talde osatuko dituzte. Jokalari bakoitzak talde bereko beste guztien aurka jokatuko du, eta talde bakoitzaren sailkapena lortuko da. Ondoren, zuzeneko kanporaketak jokatuko dituzte lau kategoriatan. Madalenetan jokatuko dituzte finalak —kategoria bakoitzeko bat—.
Txapelketak Gipuzkoako tenis jokalari amateurrik onenak jasoko ditu: Errenteria-Oreretako 9; Donostiako 17, Hondarribiko 2, Tolosako 2, eta Legorreta, Bera—Nafarroa—, Zumarraga, Hernani, Irun eta Lasarteko bana. Patxi Fadrique Lasarteko tenis jokalari gurpildun aulkiaren modalitatean hartuko duela parte nabarmendu dute antolatzaileek.
Parte hartzaileen koadroak, gainera, aurreko urteetako irabazleak eta finalistak ditu. 2022ko finalista Raul Ramos eta Inko Mujika ari dira. Mujika da egungo Madalen Sariaren txapelduna.
Ereintzak txapelketak aurreko zortzi edizioetan izan duen harrera ona nabarmen jarri du, eta horren erakusgarri aipatu du ATGk puntuaziorik altuena eman diola Gipuzkoan jokatzen diren txapelketa guztien artean.
Dohainik ikusteko aukera
Doan ikus daitezke partida guztiak.Astegunetan 16:00etatik 21:00etara jokatzen dituzte, larunbatetan 10:15etik 22:00ak arte eta igandetan, 10:15etik 14:00ak arte.
Emaitza eta sailkapenak, berriz, hemen klik eginda kontsulta daitezke.
