Nerea Gonzalez, Dani Novas eta Aintzane Aginagalde, Euskararen Paparazzi
Nerea Gonzalez eta Dani Novas errenteriarrek lehen saria irabazi dute; Aintzane Aginagalde oiartzuarrak, bigarrena.
Arantxa Etxezurieta Errenteriako Euskara teknikari, Dani Novas (lehenengo sariaren irabazlea), Susana Jimenez Blume Loradendakoa, eta Nerea Gonzalez (lehenengo sariaren irabazlea). Oarsoaldeko Euskara Batzordeak antolatutako Euskararen Paparazziak argazki lehiaketaren irabazleak ezagutarazi dituzte. Nerea Gonzalez eta Dani Novas errenteriarren eta Aintzane Aginagalde oiartzuarraren argazkiak izan dira onenak epaimahaikideen arabera. Gonzalezek eta Novasek lehen saria lortu dute; Aginagaldek, bigarren saria.
Errenteria-Oreretako Blume loradendari egin zioten argazkia Gonzalezek eta Novasek. Argazkiaren ezaugarri teknikoak nabarmen jarri ditu epaimahaiak, denda barrura sartzeko gonbita iradokitzea lortu dutela bi argazkilariek uste du, eta gainera, berez egiten zaila den argazkia “txukun egitea” lortu dutela hartu dute aintzat.
Aintzane aginagalde bigarren sariaren irabazlea, Gemma Roldan optikako langilea eta Josu Delgado zinegotzia.
Oiartzungo Nerea Urkola Optika dendari atera zion argazkia Aginagaldek. Bigarren aria aukeratzeko garaian euskarazko errotulazioa nabarmentzen duela hitz joko polita eginez aipatu du epaimahaiak, “bere sinpletasunean txukuna da argazkia”.
Prezio berean euskaraz! iniziatibaren barruan antolatutako argazki lehiaketa da Euskararen Paparazziak, eta Errenteria-Orereta, Lezo, Oiartzun eta Pasaiako merkataritza eta ostalaritza establezimenduetan euskararen erabilera handitu eta hizkuntza paisaiak duen garrantzia nabarmentzea du helburu.
Honakoa bosgarren ekitaldia izan du lehiaketak, eta hemezortzi lan aurkeztu dituzte.
Irabazleak uztailaren 31ra bitartean Oarsoaldeko saltokietan gastatzeko 400 euroko ordainsaria eskuratu du, eta 200 eurokoa bigarren saridunak. Argazkiak ikusteko, egin klik hemen.
Aintzane Aginagalderen argazkia, lehiaketaren bigarren saria
Nera Gonzalez eta Dani Novasek egindako argazkia eta lehiaketaren irabazlea.
