Rocioko Ama Birjinaren erromeria egingo dute igandean
Honakoa, hogeita seigarren ekitaldia izango da eta sevillana doinu eta dantzek hartuko dute Concha Rociera elkartearen egoitza goiz eta arratsaldez.
Concha Rociera elkarteak antolatuta, Rocioko Ama Birjinaren Erromeria egingo dute igandean Beraunen. Honakoa, hogeita seigarren ekitaldia izango da eta sevillana doinu eta dantzek hartuko dute Concha Rociera elkartearen egoitza goiz eta arratsaldez.
Ekitaldi nagusien artean, abesbatza rociozaleen emanaldia izango da, Errenteria-Oreretako Aljarafe eta Peña Aracena, eta Lasarte Oriako Senblante Andaluz ariko dira; eta Irungo Embrujo Andaluz, Lasarte Oriako Senblante Andaluz, eta Errenteria-Oreretako Eureka Dance, eta Aljaraferen dantza taldeak ariko dira arratsaldez. Bigarren emanaldi hori, Concha Rocieraren dantza taldeak itxiko du.
Egun osoan zehar, sevillanak dantzatzeko aukera izango da, baita jateko eta edatekoekin taberna ere.
Egitaraua
- 10:30: Gonbidatuei harrera jaia egingo zaie ConCha Rociera elkartearen egoitzan.
- 11:00: Ama Birjinaren irteera, Concha Rociera elkartearen egoitza sozialetik irtengo da eta inguruko kaleak zeharkatuko ditu.
- 12:30: Meza rociozalea. Concha Rociera elkartearen abesbatzaren eskutik, elkartearen egoitzan.
- 13:30: Ardoarekin topa egingo dute agintariek eta gonbidatutako talde rociozaleek.
- 14:30: Abesbatza rociozaleen emanaldia: Aljarafe, Peña Aracena, eta Senblante Andaluz. Concha Rocieraren egoitzan.
- 16:30: Dantza taldeen emanaldia: Embrujo andaluz, Senblante andaluz, Eureka Dance, Aljarafe, eta Concha Rociera.
Egun osoan zehar sevillanak dantzatzeko aukera izango da eta jateko eta edatekoekin taberna zabalik izango da.
