Jon Plazaolaren 'Tutum platz' bakarrizketa, Limericken
Gaur eta bihar egingo ditu emanaldiak Plazaolak; gaurkoa, euskaraz, biharkoa, berriz, gaztelaniaz.
Jon Plazaolaren Tutum platz bakarrizketa. Umoreaz gozatu nahi dutenek, aukera paregabea izango dute gaur eta bihar. Izan ere, Jon Plazaola aktore urretxuarrak bi emanaldi eskainiko ditu Limerick tabernan (Juan Olazal, 23).
Joan den maiatzean Tolosako Leidor antzokian estreinatu zuen Tutum platz bakarrizketarekin dator Plazaola, labetik atera berriko lanarekin, beraz. Bi saioak gaur eta bihar izango dira, 20:00etan biak, gaurkoa euskaraz eta biharkoa, berriz, gaztelaniaz. Sarrerak 15 euroan daude salgai. Horiek eskuratzeko hemen klik egin. Gaur eta bihar Limericken bertan erosteko aukera ere izango da emanaldiaren aurretik; ateak, 19:30ean zabalduko ditu tabernak.
Lehen bakarrizketa egin zuela 23 urte joan dira, eta Plazaolak formato hori berreskuratu du lan honekin hastapen haietara itzultzeko. Izan ere, 23 urte horiek jakinduria ere eman diote, eta bakarrizketa klasikoa bada ere ikus-entzuleek aurrez aurre izango dutena, arauak hautsiko dituela iragarri du aktoreak.
2007an hasi zen Limerick taberna hasi zen bakarrizketak programatzen, eta ordutik, sona handiko komikoak pasa dira bertatik.
