[Bideoa eta galeria] «Gu berri bat» Donibanen
Bixi Bixi elkartearen Gora Herriak jarduera sortaren azken eguna da gaurkoa. Donibaneko luze-zabalean kolore guztiak barreiatu dituzte.
Bixi Bixi elkartearen 2023ko Gora Herriak-ek azken eguna du gaurkoa. Ekainaren 2an hasitako jarduera sorta zabalak gaur du kolofoia. Jairako eguna da. «Gu berri bat» eratzeko bidean urratsak egiten saiatu dira azken hamabostaldian, hainbat alorretako iritzi, kultur ikuskizun, eta bestelakoen bitartez. Gaur festaren txanda iritsi da. Mundura begira jarri da Donibane Bixi Bixirekin, herrian ere mundu zabaleko pertsonak bizi direlako eta ateak zabaldu dizkietelako. Eskubide osoko sanjuandarrak eta euskal herritarrak dira, bere azalaren kolorea jatorria edozein dela ere.
Goizean Mazedonia kalebuelta egin dute, Euskal Herriak barnebiltzen dituen hamaika koloreak Meiptik plazara barreiatzeko. Hori egitean, Bixi Bixiren parean Munduko Arrozak jardueraren barruan hainbat jatorritako herritarrek arroza osagai nagusi zuten jakiak kozinatu dituzte, ondoren, herri bazkarian jateko.
Arratsaldean gehiago: 17:00etan, ekitaldia egingo dute Gu berri bat osatzeko bidean lelopean. Ondoren 11 Kolore batukadak berriz ere astinaldia emango dio barrutiari, zartakoak ematen Elektrotxufla elektrotxarangak jarraituko duelarik ondoren (19:00). Gauean, Bixi Bixi atarian, Afrikako musika jarriko du DJ Sound Systemek Egun betea, bizia, kolorez betea Donibanen, ‘hemengoak’ eta ‘hangoak’ estereotipoekin bukatzeko, «gu berri bat eratzeko bidean» sakontzeko.
Jarraian, Bixi Bixik emandako bideo eta argazkiekin eta HITZAk ateratako irudiekin, ikus-entzunezkoen sorta:
