Gaur hasiko dute liga San Pedrok, San Juanek eta Hondarribia Bk
Donibane-Ziburuko Ikurrinarekin hasiko da KAE1 eta ETE ligetako sasoia. Bihar, Pasaian izango dira bi liga horietako traineruak.
Argazkiak: Josu Z. Gaur hasiko dira, ofizialki, traineruen ligak. KAE1 eta ETE abiatuko dira Donibane-Ziburuko Banderarekin (15:15ean ETEkoa, 15:45ean KAE1ekoa). ETEn Oarso Bidasoko ordezkaririk ez da, Hibaikak eta Hondarribiak EuskoTren Ligarako jauzia egin dutelako. KAE1en, berriz, hiru dira bertakoak: San Pedro, San Juan, eta Hondarribia B. Bihar izango dute segida bi ligek, Pasai San Pedron: XIII. Kepa Deun Arrantzaleen Kofradia Ikurrina 12:00etan hasiko da (11:30ean ETEko Hernaniko Bandera).
Osotara hamabost estropada izango ditu KAE1k, abuztuaren 20an Bilbon egongo den estropadarekin bukatuko da. Nahitaez sailkapenaren goialdean ibiltzeko hautagaien artean Pasaiako bi traineruak daude, San Pedro eta San Juan. Itsasoak jarriko du bakoitza bere tokian, baina prestaketa lehiaketetan nahiz Gipuzkoako Txapelketan ikusitakoaren arabera, goian ibiltzeko aukera dute bi traineruek. Beste hamar ontzi izango dituzte aurkari, tartean Hondarribiaren formaziorako ontzia, berdeen bigarrena.
Jarraian, KAE1 Ligaren egutegia ikusteko aukera hemen klik eginda.
Ondoren, KAE1eko Oarso Bidasoko traineruen xehetasunak ikusteko aukera (ETEn ez da bertako ontzirik.
