Eraso matxistarik gabeko madalenen alde, formakuntza saioak
Udalak ostalari eta jai batzordeko kideei formakuntza saioetan parte hartzeko deia egin die.
![](https://oarsoaldea.hitza.eus/site/files/2022/07/dsc00698.jpg)
Aurten ere indarkeria matxistarik gabeko jaien aldarria egingo du errenteriako Udalak. Eroso ez bazaude erasoa da lelopean herritar orok jaien testuingurua erabateko askatasunean bizitzea da helburua. Horretarako, aisialdi eta jaietako testuinguruan gertatzen diren indarkeria matxistei buruzko formakuntza saioak antolatu ditu udalak: “Eraso sexista eta LGTBIfobikorik gabeko madalenak izateko, jaiak osatzen dituzten agente guztien parte hartzea eta konpromisoari funtsezkoa irizten diogu”.
Horrenbestez, Errenteria-Oreretako ostalariak eta jai batzordeko kideak saio horietan parte hartzera gonbidatu ditu udalak. Bertan, sentsibilizazioa lantzearekin batera, eraso horiei aurrea hartzeko eta aurre egiteko informazioa eta tresnak eskainiko dizkiete. Horrekin batera, mugimendu feministak eraso baten aurrean erantzun publikoa artikulatzeko duen protokoloa zein udalak martxan jarritako kanpaina eta aktibatutako baliabideak aurkeztuko dituzte.
Hainbat saio antolatu ditu udalak, ahalik eta eragile eta norbanako gehienen parte hartzea bermatzeko. Hala, jai batzordeko kideek hilaren 27an izango dute saioa 20:30ean. Ostalariek, aldiz, hurrengo bi saioak dituzte aukeran: hilaren 27a 16:00etatik 18:00etara euskaraz, eta uztailaren 4an, 16:00etatik 18:00etara gaztelaniaz.
Saio guztiak Emakumeen Etxean izango dira.
Saioetan parte hartzeko, izena eman behar da. Horretarako, egin klik hemen.