Biharkoa, gau berezia Lezon
19:30ean hasiko da Murixkakoen kalejira, eta 22:00etatik aurrera herriko dantzari helduek suaren inguruan dantzatuko dute.
San Joan bezpera berezia izaten da Lezon. Suaren inguruan biltzen dira herriko dantzariak eta herritarrak udako solstizioaren gauean. Hala izango da aurten ere bai. Bihar da eguna.
19:00etan, Tomas Garbizu Musika Eskolako bandak eta trikitilarien taldeak kalebuelta egingo dute herritik. Ondoren, Murixkako dantzarien txanda iritsiko da: 19:30ean abiatuko dira euren egoitzatik Gurutze Santuaren plazan, eta behin plazan direla, dantzaldia eskainiko dute.
22:00etan, helduen emanaldia. Lizarraren inguruan Soka dantzari ekingo diote herriko dantzariek sua piztu aurretik. Sua piztua dela, Jan Joan zortzikoari ekingo diote, ondoren fandangoarekin eta arin-arinarekin bukatzeko gaualdia.
