Iruñeko hilketa matxista gaitzestera deitu dute gaur
Larunbatean, bikotekidea erail zuen gizon batek Iruñeko Ermitagaña auzoko taberna batean. Gizona bera joan zen udaltzaingoaren komisariara eta bikotekidea hil zuela esan.
Ekainaren 20an egindako elkarretaratzearen irudi bat. Indarkeria matxistak laugarren emakumea hil du Euskal Herrian. Larunbatean, bikotekidea erail zuen gizon batek Iruñeko Ermitagaña auzoko taberna batean. Gizona bera joan zen udaltzaingoaren komisariara eta bikotekidea hil zuela esan. Atxilotu eta genero indarkeria egotzi diote. Bikote izateaz gainera, gizonak hil zuen Anayak tabernan bazkide ziren, eta elkarrekin bizi ziren. Emakumearen hiru seme-alabek baieztatu dute azken hori.
47 urte zituen Zhen Jiangek, eta maiatzetik hona indarkeria matxistak hildako laugarren emakumea da Euskal Herrian; 2003az geroztik 121. emakumea da.
oso gogoan hartzeko datu gogorra eman zuen asanblada feministak pasa den ekainaren 19an, Bilboko 89 urteko Belenen hilketa matxista salatzeko egindako elkarretaratzean. Planetako hiru emakumetik batek pairatzen du indarkeria matxista Osasun Munduko Erakundeak emandako informazioaren arabera: “Emakumeok lehen eskutik dakigu zein arrisku dagoen gure bizitzetako espazio pribatu zein publikoan. Mugimendu feministatik kalera irteten jarraitu besterik ezin dugu egin”. Hori gaurko deia, kalea hartzeko deia ozen salatzeko azken erailketa matxista
Elkarretaratzera 19:00etan deitu du Oreretako Asanblada Feministak Niessen Merkatalgunearen sarreran. Antolatzaileek herritar guztiak deitu dituzte parte hartzera.
