Udalerriko biodibertsitatea ezagutzeko, bisita gidatua
Bisita gidatua antolatu dute 10:30etik 12:30era, eta bertan bizi diren landare zein animalia espezieak ezagutzeko ibilbide laburra egingo dute Fanderia auzotik abiatuta.
Fanderiako errotak antolatu du bisita gidatua. Udalerriko biodibertsitatea ezagutzeko aukera izango da larunbatean, Fanderiako errotaren eskutik, Izan ere, bisita gidatua antolatu du 10:30etik 12:30era, eta bertan bizi diren landare zein animalia espezieak ezagutzeko ibilbide laburra egingo dute Fanderia auzotik abiatuta. Oiartzun ibaiaren ondoko bidegorriari jarraituz egingo dute ibilbidea.
Publiko zabalari begirakoa da jarduera, eta doakoa. Parte hartzeko, alta, izena eman behar da aurretik 943 49 45 21 edo 690 72 02 64 telefono zenbakietara deituta. Turismo bulegoaren posta elektronikora edota Fanderiako Errotaren posta elektronikora mezua bidali daiteke.
Beste hilabeteetan ez bezala, Fanderiako errota hilaren 22 eta 23an, madalenekin, izango da zabalik uztailean, eta ez bigarren asteburuan ohi bezala. Ordutegia, ohikoa izango da, 10:30etik 14:00ak arte eta errota martxan ikusteko aukera izango da, doan.
