Lidergoak ihes egin die Pasaiako arraunlariei asteburuan
Estropada bakarra lehiatu dute San Pedro eta San Juanek KAE1en, eta hitzordu bikoitza izan du San Juango bigarren ontziak KAE2n.
'Libia', larunbateko estropadarako prest. 
Arraun lehia hirukoitza izan dute Pasaiako ordezkariek asteburuan. KAE1ekoek (San Pedro eta San Juan) Marina de Cudeyo Udaleko XVIII. Bandera izan zuten jokoan larunbatean Kantabrian, eta bigarren mailakoek (San Juanen bigarren ontzia), aldiz, bina estropada izan dituzte lehian, Orio Kanpina V. Bandera larunbatean, eta XLI Noble Villa de Portugalete Bandera igandean.
Lehenengo taldekoei dagokienez, hirugarren egin zuen San Pedrok, eta laugarren San Juanek. Urrea eta zilarra, hurrenez hurren, Arkote eta Lapurdik lortu zituzten. KAE2n, zazpitik seigarren egin zuen San Juango bigarren ontziak larunbatean, eta bi postu gora egin zuen larunbatekoan, laugarren.
Gauzak horrela, KAE1eko sailkapen orokorrean bigarren da Libia, eta laugarren San Juan. Nagusitasun osoz ekin zioten moreek denboraldiari, baina aurrea hartu die orain Lapurdik. San Juan, berriz, play-offetako postuetatik aldentzen ari da (lehen biek izango dute igoerarako txartelengatik lehiatzeko aukera). KAE2ko zerrendan, seigarren da San Juan CMO Valves.
Hurrengo hitzorduak
Datorren asteburuan, jakina, atsedenerako tarterik ez. Plentziako XXXIV. Ikurrinagatiko norgehiagoka izango du KAEko lehen taldeak larunbatean bizkaitar uretan. Hurrengo egunean, igandearekin, Real Astillero de Guarnizo XXIX. Bandera, Kantabrian, KAE2ko onenarentzat.
Esteka honetan, asteburuko estropadetako sailkapenak, sailkapen orokorra eta hurrengo hitzorduak.
