Haurrak lasterka jarriko ditu EAJk
Madalenen barruko haur krosa antolatu dute jeltzaleek, hamalaugarrenez.
Batzokiak antolatutako haurren krosean, irteeretako bat Haurrak lasterka jarriko ditu EAJk, Batzokiko Kirol Elkarteak antolatutako hamalaugarren haur krosaren barruan. Hilaren 24an izango da, 12:00etan Koldo Mitxelena plazatik abiatuta, eta erdiguneko kaleak zeharkatuko dituzte.
Urtero herriko eragile bat omentzen du Batzokiko Kirol Taldeak eta aurten Touring aukeratu dute aitortza hori egiteko. Izan ere, mendeurrena bete du futbol elkarteak: “Haren ibilbide luze eta oparoari egin nahi diogu aitortza, eta eskerrak eman udalerrian kirola sustatzeko egiten duen lanarengatik”.
Ez da Touring elkartea omenduko duen lehen aldia, Batzokiko Kirol elkarteak 2019an Touring elkartea eta bertako beteranoak omendu zituen haur krosaren barruan.
Errenteriako alderdi jeltzaleak haur guztiak deitu ditu parte hartzear eta Koldo Mitxelena plaza betetzera, “halaber Touringen bazkide, jarraitzaile eta zaleei dei egiten diegu merezitako omenaldian parte har dezaten”. Amaitzeko, Madalen Jai zoriontsuak opa dizkie EAJk herritar guztiei.
