Gizonezko bat atxilotu dute Antxon, hilketa saiakera egotzita
02:30a aldera atxilotu dute erasotzailea. Biktimaren egoerari buruzko informaziorik ez du eman Ertzaintzak, ikerketa zabalik delako.
Ustez, bidegorritik patinetez zetorren gizonezkoa erasotu zuen beste batek. Eusko Jaurlaritzako Segurtasun Sailak emandako informazioaren arabera, gaur goizeko 02:30a aldera norbanako bat atxilotu dute Pasai Antxon, giza hilketa saiakera egotzita. Lekukoen arabera, ordu hori baino lehen, gizonezko batek labanaz eraso egin zion bidegorritik patinetean zetorren beste bati.
Ertzainek egindako lehenengo ikerketen ondorioz, jakin ahal izan zuten labanak ordu erdi lehenago lapurtu zituela emazte ohiaren etxetik, eta etxera emakumeari giltzak kenduta sartu zela. Horrez gainera, etxetik irten aurretik su eman zien objektu batzuei, eta emakumeak berak berehala itzali zuen sua.
Atxilotutakoa 27 urteko gizonezkoa da, hainbat deliturengatik aurrekari ugari dituena.
Odol arrastoak, erasoa izandako zebrabidean.
