Mila koloretakoa izango da
Txupinazo nagusiaren aurretik, Haurren Jai Batzordeak kalejira eta Mila Koloretako Txupinazo Txikia egingo du bihar Koldo Mitxelena plazan.
Iazko txupinazo txikiaren une bat. Bihar hasiko dira madalenak, hiru txupinazorekin. Horietako bat Mila Koloretako Txupinazo Txikia da, OarsoIrriak iniziatibaren barruan antolatutakoa, haurren jai batzordetik bideratua. Jaien hasierako eguna kolorez beteko dute. Antolatutakoetan parte hartzeko deia egin dute.
17:15ean hasiko dute bidea. Zumarditik abiatuta, Batuburrunba perkusio taldearekin eta parte hartzaileek etxetik eramango dituzten musika tresnekin, kalejira egingo dute Erdigunetik. Haurrek prestatutako eranskailuak ere banatuko dituzte.
Bidea Koldo Mitxelena plazan bukatuko dute, han 18:00etan egingo baitute Mila Koloretako Txupinazo Txikia. Jarraian, Irria harro kanta abestuko dute. Hemen, entsegua egiteko, abestia.
Horiez gain, Haurren Jai Batzordeak hainbat jarduera antolatu ditu madalenetarako. Hemen klik eginda ikus daitezke.
