Altzateko etxebizitzek badituzte izen eta abizenak
Gaur egin dute Altzate eremuko hamasei etxebizitzen zozketa publikoa Gezala Auditoriumean. Esleipendunak eta ordezkoak izendatu dituzte.
Gaur goizean zozkatu dituzte, Gezala Auditoriumean, Altzateko babes ofizialeko hamasei etxebizitzak. Bat dibertsitate funtzionala duten pertsonentzat izan da, beste bi familia guraso bakarrentzat, bi gehiago gazteentzat, eta gainontzeko 11k kupo orokorrekoak. Zozketaren onuradunez gain, haien ordezkoak ere izendatu dituzte. Beraz, Lezoko Altzateko babes ofizialeko etxebizitzek badituzte izen eta abizenak. Orain, horien jabe egiteko prozesua abiatuko dute zortedunek.
Lezok0 Udalak onuradunen zerrenda bidali die hedabideei. Bertan NA zenbaki bidez ikus daiteke nor izan den onuradun, eta nor dagoen ordezkoen zerrendan. Ondoko estekan ikus daiteke zerrenda hori:
Altzateko etxebizitzen zozketa. Onuradunen eta ordezkoen zerrenda (klik egin zerrenda zabaltzeko).
