[Argazkiak eta bideoa] Askotariko kuadrillek bakarra egin dute

Jubilatu eta Kuadrillen Eguna ari da ospatzen olatu gorria. Aurten bai, bazkaria ere izan dute, OaingozHau taldeak antolatuta.

Olaia Gerendiain

Errenteria-Orereta

2023/07/23

2023ko Madalen Jaien hirugarren eguna ari dira ospatzen gaur Errenteria-Oreretan, Jubilatu eta Kuadrillen Eguna. Askotariko lagun taldeek egin dute bat gaurkoan, adin bateko edo besteko, eta kuadrilla gorri bakarra osatu dute herriko kale nagusietan barrena dantzan.

DJ Bullek jarri die erritmoa euren pauso eta dantzei 17:00etatik aurrera. Baina hori baino lehen bazkaria izan dute ehunka lagunek Linon. Iaz, bazkari erraldoia antolatzeko jende aski ez zegoenez, bertan behera gelditu zen eguerdiko hitzordua. Aurten, baina, OaingozHau kolektiboak hartu du ardura eta urteko bazkaririk handiena antolatu dute.

Poteoari bukaera Herriko plazan eman diote. Arkaitza tabernako Jone eta Amaia Arrutik zapiak jarri dizkiete Xanti eta Maialen erraldoiei, eta Aizpea Otaegi alkateak, gobernu taldeko kideekin batera, agurra dantzatu du bukaeran.

Jarraian, madalenen biharko eta etziko egitarauak:

Erlazionatutako edukia[Bideoa eta argazkiak] Soinu eta kolorez bete dute herria haurrek [Bideoa eta argazkiak] Hasi dira!

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.