EH Bilduk garbi irabazi ditu hauteskundeak Lezon
Koalizio subiranista eta PSE-EE 2019ko Espainiako Gorteetarako Hauteskundeekin alderatuta gehien hazi diren alderdiak izan dira.
Atzoko Espainiako Gorteetarako Hauteskundeetan, Lezon, boto gehien jaso zituen alderdia EH Bildu izan zen. Jarraian PSE-EE izan zuen, alde handiarekin, eta sozialisten atzetik EAJk, Sumarrek, PPk eta Voxek jaso zuten lezoarren partetik babes gehien (beheko koadroan emaitzak).
Lezo: atzoko emaitzak. Iturria: Berria.
Lezo: 2019ko hauteskundeetako emaitzak. Iturria: Berria.
Botoa emateko eskubidea 4.806 lezoarrek zuten atzokoan, eta horietatik 3.164 izan ziren Bekoerrotara boza zegokien hautetsontzian sartzera joan zirenak: beraz, abstentzioa, %34,16koa izan zen; aurreko Espainiako Gorteetarako Hauteskundeetan (2019ko azarokoak) abstentzioa aurtengoaren pareko izan zen, %34,74koa hain zuzen ere.
2019ko azaroko hauteskundeekin alderatuta, igoerarik nabarmenenak EH Bilduk eta PSE-EEk izan dituzte. PPk ere gora egin du, baita Voxek ere. Kontra, Sumarrek ez du lortu 2019an Podemosek lortutakora iritsi. EAJk ere jaitsiera nabarmena izan du.
Jarraian, atzoko emaitzak (parentesi artean 2019ko azaroko aurreko Espainiako Gorteetarako Hauteskundeetan alderdiek lortutako emaitzak).
- EH Bildu: 1.366 boz (2019an 1.216)
- PSE-EE: 642 boz (2019an 439)
- EAJ: 522 boz (2019an 754)
- Sumar: 374 boz (2019an Unidas Podemosek 548)
- PP: 140 boz (2019an 108).
- Vox: 47 boz (2019an 33).
