PSE-EEk jaso ditu boto paper gehien Errenteria-Oreretan
Igoera nabarmena botoetan alderdi sozialistak eta EH Bilduk izan dutena 2019ko bozekin alderatuta. Sozialistek 1.274 botoetan egin dute gora; koalizio subiranistak, berriz, 1.101 boto gehiago jaso ditu 2019koetan baino.
Espainiako Gorteetarako Hauteskundeen emaitzak Errenteria-Oreretan. Iturria: Berria
2019ko bozetako emaitzak. Iturria: Berria
Alderdi sozialista izan da atzoko Espainiako Gorteetarako hauteskundeetan boto gehien jaso duen alderdia Errenteria-Oreretan. 6.509 boto jaso ditu PSE-EEk. EH Bildu izan da bigarren bozkatuena, 5.799 boto jaso ditu koalizio subiranistak. Sumar izan da hirugarren indarra 2.696 boto jasota; EAJ, laugarren 2.508 botorekin; PPk 1.477 jaso ditu eta Voxek, 420.
30.478 errenteriar zuten botoa emateko eskubidea atzokoan, eta horietatik 19.863 gerturatu ziren hauteslekuetara. Abstentzioa %34,82koa izan zen, 2019ko azaroko Espainiako Gorteetarako hauteskundeetan izandakoaren antzekoa —orduan %34,61 izan zen abstentzioa—.
Igoera nabarmena botoetan alderdi sozialistak eta EH Bilduk izan dutena 2019ko bozekin alderatuta. Sozialistek 1.274 botoetan egin dute gora; koalizio subiranistak, berriz, 1.101 boto gehiago jaso ditu 2019koetan baino.
Sumar eta EAJ, beherantz duela lau urteko datuak aintzat hartuta: Unidas Podemosek lortu zituenak baino 1.474 boto gutxiago jaso ditu Sumar alderdiak; Jeltzaleek, berriz, 1.256 botoetan behera egin dute.
Alderdi Popularrak eta Voxek, gora egin dute Errenteria-Oreretan. 391 boto gehiago izan ditu PPk eta 51 gehiago eskuin muturrekoek.
Ondoren, atzoko emaitzak (parentesi artean 2019ko azaroko aurreko Espainiako Gorteetarako Hauteskundeetan alderdiek lortutako emaitzak).
- PSE-EE: 6.509 boz (2019an 5.235)
- EH Bildu: 5.799 boz (2019an 1.101)
- Sumar: 2.696 boz (2019an Unidas Podemosek 4.170)
- EAJ: 2.508 boz (2019an 3.764)
- PP: 1.477 boz (2019an 1.086).
- Vox: 420 boz (2019an 369).
