Donibaneko santioetan, gaur, Santa Ana eta txikiteroak
Santa Ana Egunari lotutako hainbat ekitaldi izango dira gaur santioetan. Gauean, berriz, 'Txikiteroen ahotsak' ikus-entzunezkoa.
Ikus entzunezkoaren aurretik, ikuskizuna egin zuten apirilaren 22an. Donibaneko santioen hirugarren eguna da gaurkoa. Bi ezaugarri berezi izango ditu uztailaren 26koak: Santa Ana Egunari lotutako ekitaldiak egingo dituzte, eta aldi berean, gauean, Txikiteroen ahotsak egitasmoaren barruko proiekzioa egingo dute plazan.
Parez pare zabalduko ditu gaur Santa Ana ermitak bere ateak. Urtean gutxitan ematen da egoera hori, eta gaurkoa bereziena da: meza nagusiaren ondoren, kanpoaldean mokadutxoa jateko aukera izango dute bertaratzen direnek. Aurretik, 10:30ean, pala txapelketa izango da pilotaleku estalian.
Arratsaldean, haurrek karabinan aritzeko aukera izango dute, baita esku pilotan ere. Bonantzako txosnen inguruan, berriz, Andoni Ollokiegi herritarrak saioa eskainiko du ilunabarra hastearekin batera. Eta gauean, plazan, Txikiteroen ahotsak egitasmoaren barruko herri proiekzioa. Habanerarik ez da aurten, baina txikiteroena herri ekimenetik sortutako egitasmoa da.
Donibaneko Santio Jaiak. Gaurko eta biharko egitarauak.
Gaur, hilak 26, Santa Ana Eguna
- 09:30 Ezinduak beren etxeetan jaso eta ermitara eramatea.
- 10:30 Pala-txapelketa frontoian.
- 11:00 Meza nagusia Santa Anako ermitan.
- Ondoren, salda eta pintxo dastaketa txistulariekin.
- 17:00 Haurrentzako karabina-tiroa eta esku pilota frontoian.
- 20:00 Andoni Ollokiegi Bonantzan.
- 22:30 Proiekzioa plazan: Txikitoen ahotsak.
Bihar, hilak 27, San Pantaleon Eguna
- 10:00 Pala txapelketa frontoian.
- 14:00 Jubilatuen bazkaria Santiago plazan.
- 15:00 Herriko kuadrillek sardinak eta ikatza jasoko dituzte Arizabalon.
- 16:15 Musika herrian barrena.
- 19:00 Sardina-jana herri osoan.
- 20:00 Javi DJa Santiago plazan.
- 22:30 Arrantzaleen danborrada Konstantzia bandarekin.
- Ondoren, Javi DJa.
- 00:00 DJ Bull txosnetan.
- DJ Elene eta Martxel txosnetan.
