Bazkide bila ari da Hibaika elkartea
Laguntzaileek, klubari babesa ematearekin batera, hainbat abantaila izango dituzte.
Haur bat Hibaikaren kamiseta soinean. Argazkia: Dani Novas Arrauna babestu nahi duten herritarren bila ari da Hibaika. Izan ere, bazkide kanpaina martxan du arraun elkarteak. Laguntzaileek, klubari babesa ematearekin batera, hainbat abantaila izango dituzte: Rosmi dendan salgai dagoen klubaren arropan %10eko deskontua izango dute; ekainean egiten duten denboraldi hasierako traineruen aurkezpenerako gonbidapena jasoko dute; hilabetero arraun klubaren berritasunak posta elektroniko bidez jasoko dituzte; eta Hibaika Arraun Elkartearen laguntzaile txartela ere eskuratuko dute.
Bazkide egiten direnek, gainera, beste opari bat jasoko dute aurten: Aramendia gozotegiaren 10 euroko opari txartela. Rosmin eskatu behar dute bazkideek opari txartel hori, 2023ko txartela erakutsita.
Bazkide egin nahi dutenek Rosmin eskura duten galdetegia bete, eta 35 euroko diru sarrera egin beharko dute ES16 30350011230110142924 kontu korronte zenbakian. Behin hori eginda, saltoki horretara eraman behar dute galdetegia, edota posta elektronikoz.
Une honetan bi ontzi ditu Hibaikak uretan. EuskoTren Ligan ari da lehiatzen Hibaikako emakumeen trainerua, iazko denboraldian igoera erdietsita. Gizonen trainerua, berriz, KAE2 Ligan ari da bogan.
