Bi autodefentsa feminista tailer, santakrutzak baino lehen
Lehena 12 eta 17 urte bitarteko gazteei zuzenduta egongo da, eta adinez nagusi diren herritarrei bestea. Irail hasieran izango dira.
Santakrutz Jaien aurretik Lezoko Udalak autodefentsa feminista tailerra antolatu du. Tailerra Emagin elkarteko kideek eskainiko dute eta, besteak beste, jaietan emakumeek jasan ditzaketen eraso sexistak identifikatzea eta horien aurkako erantzunetan eta estrategietan sakontzea du helburu.
Bi saio izango dira, biak ere doakoak: bata 12-17 urteko emakumeei zuzendua, irailaren 7an egingo dena 17:00etatik 20:00ak bitartean; eta, bestea, 18 urtetik gorako emakumeei zuzendua, irailaren 4an egingo dena 18:00etatik 21:00etara. Bi saioak Gezala Auditoriumean izango dira.
Udalak herriko emakumeak gonbidatu ditu tailerrean parte hartzera. Izena emateko epea zabalik egongo da hilaren 31ra arte, eta aurrez aurre, udaletxeko herritarren harrera zerbitzuan, edo online, hemen klik eginda zabalduko den estekan, egin ahal izango da.
