Errenteria Hiriko Txapelketaren saria, etxean
Larunbatean jokatu zen finala. Oiartzun baino gehiago izan zen Touring eta txapelketaren sari nagusia etxean gelditu da.
Touringeko jokalariak sari nagusiarekin txapelketa irabazita. Argazkia: Touring Joan den astean jokatu da (astearte eta asteazkenean) Errenteria Hiriko Txapelketa, eta larunbatean, berriz finala. Fin aritu da Touring eta gehiago dela erakutsi du txapelketan zehar garaipena erdietsita. Touringek Oiartzun izan zuen aurrez aurre finalean eta oiartzuarrek egin bazuten lehen gola ere, ez ziren atzean gelditu gorritxoak eta markagailua alde jarri zuten azkenean 3-2 garaituta.
Txapelketaren sari nagusia, hortaz, etxean gelditu da Touringen eskutan. Oiartzun bigarren sailkatu da txapelketan eta parte hartu duten Pasaia eta Añorga futbol taldeak, berriz, hirugarren eta laugarren sailkatu dira, hurrenez hurren.
Txapelketaren barruan, asteazkenean (hilak 23), Julen Agirrezabala Astulez jokalari errenteriarrari omenaldia eskaini zion Touring Futbiol elkarteak. Athleticeko atezaina da errenteriarra.
