Gaxuxak prest ditu ikasturterako ikastaroak
Orotara, bederatzi ikastaroko eskaintza prestatu du Gaxuxak ikasturte berrirako. Izena emateko egunak, irailaren 4 eta 5a.
Ikasturtean egindakoekin erakusketa egiten dute sasoi bukaeran. Gaxuxa Lezoko Emakume Taldak prest ditu 2023-2024 ikasturterako ikastaroak. Urrian hasiko dira, eta ekainera arte iraungo dute. Ikastaro bakoitzaren prezioa 90 eurokoa da lezoarrentzat, eta 110ekoa Lezon erroldatuta ez daudenentzat. Ikastaro horietan (beheko koadroan daude) izena emateko bi egun prestatu ditu Gaxuxak: irailaren 4 eta 5ean, 10:00-12:30 eta 17:00-19:00 tarteetan, Gaxuxaren lokalean bertan.
Taldekideek ohartarazi dute izen ematea edo matrikula egin aurretik egin behar dutela horien ordainketa interesdunek, eta izena ematerakoan ordainketaren agiria aurkeztu behar dela. Hala, ikastaro bakoitzeko taldeak osatzeko gutxieneko partaideen kopuruak 8 kidekoa izan behar du, eta gehienez 16 onartuko dituzte. Taldeak osatuko ez balira, dirua itzuliko diete jada ordainketa egina zutenei.
Ordainketa Laboral Kutxako honako kontu zenbakian egin behar da: ES24 3035 0125 14 1251027659. Informazio gehiago nahi dutenek Whatsappez (630 36 92 96) edo posta elektronikoz egin dezakete harremana Gaxuxarekin.
Honakoak dira 2023-2024 ikasturterako Gaxuxak prestatutako ikastaroak:
- Hipopresiboen tailerra (Murixkaren lokalean): astearte eta ostegunetan 12:00etatik 13:00etara.
- Laboreak: puntua, gantxilloa, orratz zirkularrak… (Gaxuxaren lokalean): asteazkenetan gantxilloa 16:00etatik 18:00etara, eta ostegunetan 10:00etatik 12:00etara bestelakoak.
- Eskulanak (Gaxuxaren lokalean): astearte eta ostegunetan, 17:00etatik 19:00etara.
- Yoga (Murixkaren lokalean): Astelehenetan 10:00-11:30 eta 15:15-16:45, eta asteartetan 10:00-11:30.
- Gimnastika (Bekoerrota kiroldegian): astearte eta ostegunetan 09:30etik 10:30era.
- Pilates (Bekoerrota kiroldegian): Astelehen eta asteazkenetan 18:00-19:00, eta astearte eta ostegunetan 10:30-11:30.
- Adimena Lantzen: astelehenetan 18:15-20:15 (Gaxuxaren lokalean) eta asteartetan 18:15-20:15 (Musika Eskolan)
- Ehoziriak eta bainika (Gaxuxaren lokalean): ostiraletan 16:00etatik 18:00etara.
- Sabel dantza eta zoru pelbikoa (Murixkaren lokalean): asteazkenetan 09:30etik 11:30era.
Bestalde, irailaren 27an eta urriaren 4an garunari buruzko hitzaldiak egingo dituzte, Gaxuxaren lokalean, 18:30ean hasita.
