San Juan Koxtapeko ateak zabalik, 11 urtetik gorakoentzat
Irailaren 19an 11 urtetik gorako edonorentzako ate irekien jardunaldia egingo dute klubean. Horrekin emango diote abiada denboraldi berriari.
Arraun elkartearen egoitzan izango da hitzordua, 17:30etik aurrera. 
San Juan Koxtape arraun eskolak ate irekien saioa egingo du irailaren 19an, asteartearekin. Egun horretako 17:30ean emango diote hasiera ofiziala sasoi berriari, eta hori egungo arraunlariekin nahiz berriekin abiatu nahi dute.
11 urtetik gorako neska-mutilei dei egin diete klub arrosatik, elkartea ikusi eta behar duten informazioa eskura izango baitute iraileko jardunaldian. Informazio gehiago behar duena edo bestelako kontsultarik izanez gero, klubeko arduradunekin jar daiteke harremanetan telefono zenbaki honen bitartez: 667 23 32 24.
