Bi gazte hil dira auto istripuan Errenterian
Goizaldean izan da istripua Gi-636 errepidean. Beste bost lagun zauritu dira istripu berean.
Eremu horretan izan da istripua gaur goizaldean. Bi gazte hil dira gaur goizaldean Gi-636 errepidean Errenteria parean izandako istripu batean. Hildakoek 22 eta 20 urte dituzte, lezoarra eta donostiarra dira bi hildakoak. Istripu horretan gainera, bost lagun zauritu dira.
Bi autoen artean talka izan da 03:45ean. Aurrez aurre egin dute talka bi autoek Seguretasun Sailak emandako informazioaren arabera, eta Ertzaintza ikertzen ari da gertatutakoa. Istripuaren ondorioz, bi lagun hil dira, eta beste bost zauritu. Zaurituak Donostia eta Bidasoa ospitaletara eraman dituzte.
Zaurituetako bat atxilotu egin du gainera Ertzaintzak. Segurtasun sailak zabaldutako informazioaren arabera, Frantziako nazionalitatea du eta zuhurtziagabekeriazko hilketa eta bide segurtasunaren aurkako delitua leporatuta atxilotu dute. Zaurietatik osatzen denean epaile aurrera eramango dute.
Ertzaintzak istripuaren gaineko ikerketa zabaldu du.
