[Argazkiak] Euskararen haziak erein dituzte
Euskararen Egunaren ospakizunen harira, hainbat jarduera egin zituzten atzo Lezon, mendian eta herrian.
Goizean Jaizkibelgo ameztia ezagutzeko ibilaldia egin zuten. Asteburuan Euskararen Egunaren barruko ekitaldiak izan dira Lezon. Ostiralean musika, larunbatean ikus-entzunezkoen txanda, eta atzo, egun handian, Jaizkibeldik mendi ibilaldi gidatua eta bazkaria nahiz festatxoa herrigunean. Herriko eragileek eta udalak elkarrekin antolatutako ekitaldiak izan dira.
Atzo goizean joan ziren lezoarrak Euskararen haziak ereiten jardueraren harira, Jaizkibelera. Bertako ameztia eta beste hainbat txoko goxo ezagutu, eta haziak erein zituzten partaideek. Haziak bertako basoa berreskuratzeko, eta haziak euskararen berreskuratzearen eta indartzearen basoa egiteko.
Ondoren, Herri Eskolako jolastokian, bazkaria eta festatxoa egin zituzten, tailer, jolas eta musikarekin. Haur nahiz heldu, denek gozatu zuten arratsalde pasarekin.
Ekintza guztiak elkarlanean antolatu dituzte Tomas Garbizu Musika Eskolak, Errota Lezoko Guraso Taldeak, Hezikuntza Guraso Elkarteak, Xoxolur Mendi Klubak, Amezti Baso Biziak Jaizkibel taldeak, Txirbilla Aisialdi Taldeak, eta Lezoko Zinema Tikiak, Lezoko Udalaren laguntzaren aterkipean.
Jarraian, eguneko hainbat irudi.
