Energia komunitateen gaineko gogoeta abiarazi du Iratzerrik
Inkesta laburra zabaldu du gogoeta prozesuaren barruan herritarren iritziak jasotzeko. Parte hartzeko eskatu dute.
Euskal Herriko hainbat tokitan egin moduan, Lezoko Iratzerrik herrian energia komunitatea sortzeko bideari ekin dio. Eskualdean, adibidez, Oiartzunen eta Errenteria-Oreretan dituzte gisa horretako elkargoak. Hala, komunitatearen egitasmoa mamitzeko inkesta zabaldu dute herritarren artean, iritziak biltzeko. Hausnarketa prozesua abiatu dute.
Larrialdi klimatikoak eta energia krisiak arduratuta dauzkan lezoarren taldea da Iratzerri. Hala, energia komunitateen gaineko informazioa zabaldu nahi dute herrian, horietako bat sortzea egingarri ikusten dutelako. “Energia trantsizio jasangarri eta burujaberantz, erabakiak lezoarren esku, geure modura eta neurrira”, adierazi dute.
Inkesta laburra da. Horri erantzuteko eskatu diete herritarrei. Galdetegira joateko, sartu lotura honetan.
