Abenduko odol ematea, asteartean
Bibliotekan izango da odol ematea, eta hitzordua hartuko beharko da aldez aurretik.
Odol emate saioa asteartean, Oiartzungo bibliotekan. Oiartzungo odol emaileek zita dute asteartean —hilak 12—. Bibliotekan ari dira odola emateak egiten, eta asteartean 16:30etik 20:10era egingo dute saioa. Parte hartu nahi dutenek, hori bai, hitzordua hartu beharko dute aurrez. Horretarako 943 00 78 85 edo 943 31 70 91 telefono zenbakietara deitu behar dute.
Hitzordua hartuta jendea ordu zehatz batzuetan pilatzea ekidin nahi dute antolatzaileek, eta bide batez, odola ematera joaten diren horiek ahalik eta denbora gutxien ematea egiteko horretan.
Oraingoan ere, aurrekoetan bezalaxe deialdia egin dute; odol emaile berriak behar dituzte. 18 urtetik gora eta 50 kilo baino gehiago pisatzen dituen herritar orok eman ahal du odola, printzipioz. Ahalik eta jende gehienak odola ematea nahi dute.
Aurreko odol emate saioaren inguruko informazioa ere zabaldu dute. Urrian izan zen —bi hiletik behin egiten dute Oiartzunen— eta guztira 31 emaile bertaratu ziren; horietatik, bi berriak ziren.
Emandako odol motak, berriz, ondokoak: 0+ 10; 0- 8; A+ 9; A- 4. B+, B- eta AB motatako odol ematerik ez zen izan urriko saioan.
