Duintasunak kalera deitu du astelehenean
Lehen asteleheneko hitzordua bigarren astelehenera aldatu dute, zubia dela-eta.
Astelehenean—hilak 11— kalera deitu du Duintasunak. Hileko lehen astelehenetan egin ohi du elkarretaratzea eta manifestazioa pentsiodunen elkarteak, baina hilabete honetako zubia tartean, bigarren astelehenerako utzi du protesta deialdia. Ohi bezala, 11:00etan bilduko dira Herriko Plazara eta bertan batzarra eginda, manifestazioa abiatuko d te herriko erdialdeko kaleetan barrena.
Asteleheneko ibilbide hori, gainera, ez da ohi modukoa izango. Geldialdi berezia egingo dute Iztietako anbulatorioan. Izan ere, agerraldia egingo dute bertan Iztietako anbulatorioak zehazki, baina baita Beraungoak eta Oarsoaldeko gainontzeko herrietakoak ere bizi duten egoera “larriaren aurrean” mobilizaziora deitzeko. Agerraldi horretan, Duintasuna, herriko auzo elkarteetako eta jubilatuen elkarteetako ordezkariek, mugimendu feministako kideek, GOT taldeko ordezkariek eta norbanakoek ere hartuko dute parte
Hilaren 16an, larunbatarekin, deitu dute mobilizatzera osasun sistema eta zehazki, Lehen Arreta kalitatezko eta duin baten alde.
Ez da astelehenerako pentsiodunen mugimenduak agendara batu duen deialdi bakarra. Arratsaldean, zahartze aktiboaren gaineko hitzaldia antolatu du Duintasunak. 18:00etan izango da Reina aretoan. Hizlaria, Nerea Almazan izango da.
Duintasunak deialdi guztiekin bat egitera deitu ditu herritarrak.