Eguberrietako ekitaldiengatik, aldaketak trafikoan
Eguberrietako ekitaldiak direla eta, trafiko aldaketak izango dira Pasaiako lau barrutietan datozen egunetan. Eragin guztiak, albistean.
![Olentzero, Donibane](https://oarsoaldea.hitza.eus/site/files/2016/12/DONIBANEKO_OLENTZERO.jpg)
Eguberrietako ekitaldiak direla eta, trafiko aldaketak izango dira Pasaiako lau barrutietan datozen egunetan. Honakoak dira eraginak.
Hilak 21, osteguna
11:00etatik 12:30era, Karmengo Ama ikastetxearen Gabonetako desfilea egingo da, eta jarduera horrengatik, Trintxerpeko Euskadi etorbidea erabat moztuko da.
Horrez gain, ordutegi berean, kalejira bat egingo da Ulia etorbidea, Andonaegi, Borda-Enea, Arrandegi, Euskadi etorbidea eta Azkuene kaleetan barrena, eta horrek auto ilarak eragin ditzakeela nabarmendu du Pasaiako Udalak.
10:30etik 11:30era Pasaia-Lezo Lizeoa ikastolak antolatutako desfileak egingo dira lau barrutietan. Desfile horiek eragina izango dute trafikoan, eta Donibane kalea itxi egingo da. Donibaneko Santiago plaza ibilgailu gabe egon beharko da 08:30etik 12:30era.
Hilak 23, larunbata
Donibaneko Santiago plazan muxikoak egingo dira, eta plaza hori zirkulaziorako itxita egongo da 11:30etik 13:45era. Euria egingo balu, dantzaldia Donibaneko frontoira lekualdatuko litzateke.
Hilak 24, igandea: Olentzero eta Mari Domingi
- Trintxerpe: 12:00etatik 20:30era, Euskadi etorbidea itxiko da kontzertuagatik eta Olentzero eta Mari Domingiren desfileagatik. Desfilea 19:00etan abiatuko da Serafin Esnaolatik. Ainguraren biribilgunean, Correosen eta Lasako bidegurutzean seinaleak jarriko dira, eta trafikoa portuko eremutik bideratuko da.
- Donibane: Olentzero eta Mari Domingiren desfilea Meipitik aterako da 18:00etan, eta Santiago plazan bukatuko da ibilbidea. Donibane kalea itxiko da, eta Santiago plaza ibilgailurik gabe egon beharko da desfilea bukatu arte.
- San Pedro: Olentzero eta Mari Domingiren desfilea Zamatetetik irtengo da 17:30ean.
- Antxo: Goizeko desfilea 11:15ean aterako da Usoz eremutik. Arratsaldekoa, aldiz, 18:30ean hasiko da leku berean.
Informazio gehiagorako, Pasaiako Udalak Udaltzaingoaren telefonoa (943 00 43 00) jarri du herritarren eskura.