Erregeek lau barrutiak bisitatuko dituzte
Hilaren 5ean, ostiralean, Errege Kabalgatak egingo dira Pasaiako lau barrutietan. Ordutegi eta xehetasun guztiak, albistean.
Larunbata (hilak 6) Errege Eguna da, eta ohikoa den bezala, ostiralean (hilak 5) Errege Kabalgatak egingo dituzte Pasaiako lau barrutietan. Hona hemen bakoitzaren ordutegi eta xehetasunak:
San Pedro
- Pablo-Enean hasiko da, 19:00etan, Gatzagako elkarte zaharraren parean. Itsasargiaren pasealekutik jaitsiko dira. Daniel Castelao kaletik igaroko dira. Seoane markesaren kalera jaitsi. Frontoiko Zumardia Aldapatik frontoira jaitsiko dira. Frontoitik, Arraunlari kalea hartuko dute Torreko plazaraino. Torreatze kaletik Muguruzaraino. Torreko plazaraino, buelta eman eta San Pedro kaletik sartuko gara. Herriko plazan bukatuko da ibilbidea.
- Haurrak elizara sartuko dira gutuna Erregeei ematera.
Trintxerpe
- 16:45ean Portuko pantalanera iritsiko dira Erregeak. Gutunak jasoko dituzte Alkateordetzan 17:00etatik 19:00etara. 19:00etan Kabalgata irtengo da Gudari plazatik.
- 19:45 inguruan hitz batzuk eskainiko zaizkie txikienei eta goxokiak banatuko dira. Segurtasunagatik, gune babestu bat prestatuko da haurrak bakarrik sartzeko (6 urtetik beherakoak izan ezik, heldu batekin sartu ahal izango baitira).
- 21:00etan bigarren buelta egingo dute Trintxerpeko kaleetan barrena.
Antxo
- 19:00etan Loretxortatik aterako dira. Zumalakarregi (Biteri), Blas de Lezo, Eskalantegi, Oarso eta Hamarretxeta (Kultur Etxea) kaleetatik pasako dira.
- Ondoren, Kultur Etxean jasoko dituzte eskutitzak.
Donibane
- 18:00etan Meipitik aterako dira. Ibilbidea honakoa izango da: Meipiko biribilgunea, frontoia, Bordalaborda, San Roke, Juan XXIII, frontoia, Donibane kalea, Bonantzako arkua, Santiago plaza.
Kabalgatek, gainera, trafikoan eragina izango dute. Hona hemen trafiko aldaketak:
Trintxerpe
- Euskadi etorbidea itxiko da 16:15etik 20:30era. Seinaleak jarriko dira ainguraren biribilgunean, Correosen eta Lasako bidegurutzean, eta trafikoa portuko eremutik bideratuko da.
Donibane
- Donibane kalea itxi egingo da, eta Santiago plaza ibilgailurik gabe utzi beharko da. Lezobidea kalea itxiko da 17:30etik ekitaldia bukatu arte; beraz, autobus geltokia Meipiko biribilgunera lekualdatuko da.
Informazio gehiagorako, Udaltzaingoaren telefonoa ahalbidetu dute: 943 00 43 00.
