Instalazio fotovoltaikoak jarri dituzte Donibaneko jubilatuen etxean
Energia iturri berriztagarrietan oinarritutako energia trantsizioa bultzatzeko eta hobetzeko helburuarekin, Pasaiako Udalak 400Wp potentziako 26 modulu jarri ditu eraikinean.
Pasaiako Udalak, energia iturri berriztagarrietan oinarritutako energia trantsizioa bultzatzeko eta hobetzeko helburuarekin, beste instalazio fotovoltaiko bat jarri berri du. Donibaneko jubilatuen etxean ezarri dituzte panel horiek.
Orotara, 400Wp potentziako 26 modulu jarri dituzte. Panel horiek 10kWko inbertsore batera konektatuta daude, eta urtean 11.133,05kWhko energia sortuko dutela aurreikusi dute. Udalak energia hori eraikineko autokontsumorako erabiliko du, eta soberakina energia sare orokorrean txertatuko dela jakinarazi dute.
Energiaren Euskal Erakundeak (EEE) udalari 7.800 euroko diru laguntza eman dio. Proiektua energia iturri berriztagarrien bidezko autokontsumo eta biltegiratzearekin eta bizitegi sektorean sistema termiko berriztagarriak ezartzearekin lotutako pizgarri programari lotuta dago, Suspertze, Eraldatze eta Erresilientzia Planaren esparruan, Europako Batasunak finantzatuta (NextGenereationEU).
