Irribarre Bat Oparitu kanpaina, "arrakastatsua"
Behin kanpaina bukatuta, jasotako opari guztiak Errenteria-Oreretako Gurutze Gorriko presidenteari Jon Gili eman dizkio Jose Angel Rodriguez Errenteriako talde sozialistaren presidenteak.
Irribarre bat oparitu kanpaina arrakastatsua izan dela dio PSE-EEk. Arrakastatsua. Halakoa izan da PSE-EEren esanetan Irribarre Bat Oparitu kanpaina. Bukatu berri du opari berriak biltzeko antolatzen duen iniziatiba, eta pozik azaldu da, “arrakastatsua izan da, aurreikusitakoa gainditu dugu bai oparien kopuruari begira zein haien kalitateari dagokionean”.
Aurtengoa, hamabigarrena urtea izan du alderdi sozialistak antolatzen duen kanpainak.
Behin kanpaina bukatuta, jasotako opari guztiak Errenteria-Oreretako Gurutze Gorriko presidenteari Jon Gili eman dizkio Jose Angel Rodriguez Errenteriako talde sozialistaren presidenteak. Gurutze Gorriak banatuko ditu orain opari horiek behar handiena duten herritarren artean, haurrik ez dadin oparirik gabe gelditu udalerrian.
Bai Rodriguezek bai Gilek eskerrak eman dizkiete bat egin duten herritarrei, baita Alcampo supermerkatuari “erakutsitako elkartasuna eta kolaborazioarengatik”. Harago jo du Rodriguezek: “kanpainaren bidez, herrian bizi eta egoera zaurgarrienean diren familiak lagundu ahalko ditugu. Asebete gaitu emaitzak, aurten ere genituen aurreikuspenak gainditu ditugu”.
